تاند: ( جمعه، د ثور ۱۴ مه) د سمنګان-بلخ پر لویه لاره د یوې ترافیکي پېښې د رامنځته کېدو له امله ۵ تنه وژل شوي او ۲۱ نور ټپیان شوي دي.
د سمنګان ولايتي روغتون آمر سید عثمان حمیدي ویلي چې دا پېښه د پنجشنبې په ورځ د سمنګان _ بلخ پر لويه لاره د چیچېل په سیمه کې رامنځته شوه.
حمیدي د یو شمېر ټپیانو وضعیت د اندېښنې وړ بللی چې د درملنې په موخه د بلخ حوزوي روغتون ته لېږدول شوي دي.
د ټکر لامل د موټر چلوونکو بې احتیاطي بلل شوې ده.
تر اوسه د دې طرحې جزییات نه دي په ډاګه شوي، خو د ترافیکي پېښو له امله د مرګ ژوبلو خبرونه دوام لري.