تاند ( سې شنبه، د جدي پنځمه) د طالبانو د رژیم د بهرنیو چارو وزیر ملا امیرخان متقي د پاکستان حکومت ملامت کړی چې له تحریک طالبان پاکستان سره یې مذاکرات لغوه کړي.
نوموړي د پاکستان یوه سناتور مشاهد حسین ته د نوموړي د ادعا له مخې ویلي:د پاکستاني حکومت او ‘ټيټيپي’ ترمنځ ډېری اختلافي مسایل حل شوي وو، خو اسلاماباد له دې خبرو شا ته ولاړ.
د حسین په وینا، طالب وزیر دا خبرې ورته په ایران کې د لیدنې پر مهال کړې دي.
د مشاهد حسین له قوله، امیرخان متقي ورته وویل چې د تحریک طالبان پاکستان او اسلام اباد ترمنځ ډېر مسایل حل شوي وو، خو ‘ټيټيپي’ له وفاقي ادارې سره د قبایلي سیمو د ادغام د خمتولو غوښتنه کوله چې پاکستانی حکومت له خبرو شا ته ولاړ او له همدې امله کړکېچ رامنځته شو.
د طالبانو رژیم خپله رسماً په دې اړه څه نه دي ویلي.
تر دې مخکې د طالبانو ویاند ذبیح الله مجاهد او د دوی د کورنیو چارو وزیر سراج الدین حقاني هم په خپلو خبرو کې د پاکستان حکومت په ضمني ډول د دوی په منځګړتوب له ټي ټي پي سره له پيل کړو خبرو په،په شا کیدو پړ بللی و.
دوی ټینګار کړی و چې پاکستان باید د خبرو له لارې یادې ډلې سره خپلې ستونزې حل کړي.
پاکستاني چارواکو بیا د زور له لارې د دې ستونزو په حل ټینګار لري.