دوشنبه, فبروري 26, 2024
Homeخبرونهولسمشر غني د غږیزو علمي بحثونو لړۍ پیل کړه

ولسمشر غني د غږیزو علمي بحثونو لړۍ پیل کړه

تاند (جمعه، د قوس ۱۷ مه) د افغانستان د پرځېدلي جمهوري نظام ولسمشر محمد اشرف غني پر خپله ټویټر پاڼه د غږیزو علمي – ټولنیزو بحثونو لړۍ پيل کړه.

د هغه پر ټویټر پاڼه لیکل شوې چې دا بحثونه به په دوامداره توګه پر مهمو ملی او ټولنیزو مسایلو ترسره شي.

د دغو بحثونو لومړنی بحث، د افغان کډوالو د ناورین په اړه دی چې له پاکستان او نورو هېوادونو څخه افغانستان ته شړل کیږي.

ولسمشر غني سره د یادو بحثونو کوربه توب، نوموړي ته نیږدې او د بي بي سي پخوانی ژورنالېست داوود جنبش کوي.

په دې بحث کې ولسمشر غني د افغان کډوالو د ناورین په اړه د اکاډمیک بحث تر څنګ د دغه ناورین د حل لپاره هم خپلې مشورې شریکې کړې دي.

د ولسمشر غني یو شمېر پلویانو د بحثونو د دغې لړۍ هرکلی کړی، خو یو شمېر منتقدانو یې ویلي چې له هغه څخه د علمي بحثونو پر ځای د افغانستان د بحران د حل لپاره د اساسي عملي هڅو تمه کیږي.

LEAVE A REPLY

Please enter your comment!
Please enter your name here

- Advertisment -

ادب