سه شنبه, مارچ 5, 2024
Homeخبرونهد افغان نجونو د زده کړو په اړه له طالبانو د مولانا...

د افغان نجونو د زده کړو په اړه له طالبانو د مولانا فضل الرحمان غوښتنه

تاند (جمعه، د قوس ۱۷ مه) د پاکستان د جمیعت علمای اسلام مشر مولانا فضل الرحمان پر کابل د طالبانو له واکمن رژیم څخه چې نوموړي ته ځانګړی ارادت لري، د نجونو د زده کړو د فرصت برابرولو غوښتنه وکړه.

فضل الرحمان په پاکستان کې د برېتانیا له سفیرې جین ماریوت سره د لیدنې پر مهال کړې او په خپره کړې اعلامیه کې یې ویلي چې د « افغاني او پښتني» اصولو له مراعتولو سره د افغان نجونو د زده کړو غوښتنه کوي.

دغه مشهور پاکستاني ملا په افغانستان کې د سولې د ټینګښت خبره کړې او ویلي چې په تدریجي دول د نورو مسایلو د حل په هیله دی.

په کابل کې د طالبانو واکمن رژیم د نوموړي دغې غوښتنې ته کوم ځواب نه دی ویلی.

د طالبانو لوړپوړي چارواکي وخت پر وخت پاکستان ته د سفر کولو پر مهال له مولانا فضل الرحمان سره ویني او د خپلې واکمنۍ په تړاو مشورې ترې اخلي.

فضل الرحمان سره د بریتانوي سفیرې لیدل هم ځینې څارونکو پر طالب رژیم د هغه ځانګړي اغېز لرلو سره اړوند بللی.

یو شمېر افغان منتقدان بیا نیوکه لري چې فضل الرحمان او د طالبانو نور پاکستاني ملاتړي یا د افغانستان د نجونو له تعلیمي بهیره ناخبر وو/ دي او یا په لوی لاس د طالبانو لخوا لګول شویو بندیزونو ته توجیه لټوي.

د دوی په باور، د افغان نجونو تعلیمي فضا په نړۍ کې د اسلام، حجاب او خپلو ملي ارزښتونو د مراعت له پلوه تل بېسارې وه، خو طالبانو په بې ځایه پلمو د دوی زده کړې وځندولې او اوس هم دوی او هم یې بهرني ملاتړي د دې پرېکړې د توجیه کولو پلمې لټوي.

1 COMMENT

  1. ستاسی ددی اخرنی پراګراف په رابطه که په ریښتیا د انجونو د تعلیم په برخه کی اسلامی اوملی ارزښتونو ته احترام کیدی حیڅکله به افغانستان په دی ناورین نه وه اخته شوی په دی لنډو ورځو کی د حسنا سادات ځان وژنه یی یوه ښکاره نمونه ده .

LEAVE A REPLY

Please enter your comment!
Please enter your name here

- Advertisment -

ادب