سه شنبه, مارچ 5, 2024
Homeخبرونهد امنیت شورا د بندو دروازو تر شا پر افغانستان بحثونه

د امنیت شورا د بندو دروازو تر شا پر افغانستان بحثونه

تاند (پنجشنبه، د قوس ۹ مه) د ملګرو ملتونو د امنیت شورا تېره سې شنبه د بندو دروازو تر شا د افغانستان په اړه بحثونه کړي.

خبري سرچینو ویلي چې په دغه غونډه کې د افغانستان لپاره د یاد شوي سازمان ځانګړي همغږي کوونکي فریدون سینیرلي اوغلو د دغه هېواد په اړه د خپلو ارزونو جزییات وړاندې کړي.

په ملګرو ملتونو کې د سویس استازولۍ پر اېکس پاڼه لیکلي چې په دغه ناسته کې د افغانستان د راتلونکي لپاره د ټولنې په ټولو برخو کې د ښځو فعاله ګډون مهم شرط یاد شوی دی.

د یادې غونډې او بحثونو په اړه یې نور جزییات نه دي وړاندې شوي.

سینیر اوغلو به امنیت شورا ته د افغانستان په اړه څه وړاندیزونه وکړي؟ – تاند (taand.net)

په وروستیو کې د افغانستان د قضیې د حل په اړه د فریدون سینیرلي اوغلو ارزونه د ډېر بحث وړ ګرځیدلې ده.

یوه لویه برخه افغان سیاسي څېرو او د افغانستان اړوند د نړیوالې ټولنې ديپلوماتانو دغه ارزونه او له مخې یې شوي وړاندیزونه د افغانستان د روان وضعیت د حل لپاره هیله بښونکي ګڼلي.

دوی ټینګار کړی چې طالبان باید ژر دغې طرحې سره ملګري او د افغانستان د قضیې د حل لاره خلاصه کړي.

د طالبانو یو شمېر مخالفانو بیا دغه طرحه رد کړې او اوغلو یې د طالبانو په پلوۍ تورن کړی، خو دا قضاوت ډېرو افغانانو بې ځایه ګڼلی او ویلي چې د افغانستان قضیه نوره نه باید پېچلې او دوامداره شي.

LEAVE A REPLY

Please enter your comment!
Please enter your name here

- Advertisment -

ادب