تاند (چهارشنبه، د عقرب د هسپانیا صدراعظم له اسراییل څخه وغوښتل چې د فلسطینیانو ړنده بمباري او ټولوژنه بس کړي.
د هسپانیا صدراعظم پدور سانچیز نن (چهارشنبه) پر غزې د اسراییل د یرغل له پیله تراوسه تر ټولو په تونده نیوکه کې اسراییل د فلسطینیانو په یومخیزې وژنې تورن کړ.
د هسپانیا صدراعظم دا هم وویل چې د ده په مشرۍ د هسپانیا نوی حکومت به په اروپا او هسپانیا کې د فلسطین د حکومت د رسمیت پېژندلو لپاره پوره هڅه وکړي.
سره له دې چې نور لوېدیځ هیوادونه د حماس په وړاندې د اسراییل د یرغل مخالفت نه کوي خو له دغه رژیم څخه غواړي چې لکونو ملکي فلسطینیانو ته د بشري مرستو د رسیدو په خاطر په جګړه کې وقفه راوړي.
اسراییلي ځواکونو نن سهار د غزې الشفا روغتون ونیوه د راپورونو له مخې، اسراییلي پوځیان د روغتون خونه په خونه ګرځي او له بستر ناروغانو تحقیقات کوي.
د روغتیا نړیوال سازمان پر دغه روغتون د اسراییلي ځواکونو یرغل غندلی دی.
کفار غواړب چی یهودان دا وژنی بس کړی ولی بی غیرته عرب او بی غیرته اسلامی ملکونه حتا خپله خوله نه خوزوی