تاند (یکشنبه، د عقرب ۲۱ مه) د سکاروي یا سینه و بغل د نړیوالې ورځې په مناسبت د افغانستان عامې روغتیا وزارت پر دې ناروغۍ د افغان ماشومانو د اخته کیدو لړزونکي ارقام خپاره کړي.
د دې وزارت ویاند شرافت امرخېل ویلي، چې لږ ترلږه ۱،۱ میلیون د سکاروي/ سینه و بغل ناروغۍ ماشومانو په روان کال کې روغتیایي مرکزونو ته مراجعه کړې ده.
ویل شوي، چې د دوی له منځه تر ۲۳۰۰ پورې ماشومان مړه شوي هم دي.
ګومان کیږي، چې دا ارقام تر دې هم زیات وي ځکه یوه برخه ماشومان به حکومتي روغتیایي مرکزونو ته نه وي لېږدول شوي.
د جمهوري نظام له سقوط سره، په افغانستان کې روغتیايي خدمتونه هم کم شوي او نړیوالې مرستې ورسره کمې شوې دي.
زه نو څه وکړم ؟؟ قربان د له دې خړیتې خولې شم ! زه مو چې وینم درته ژاړم ! چیرې دی هغه انسانیت !