تاند (سې شنبه، د عقرب ۹مه) د پاکستان له لوري د افغانستان د صادراتي او وارداتي مالونو په وړاندې د لارو د بیا بیا بندېدو او خنډونو له کبله د طالبانو حکومت وايي د متبادلو لارو په لټه کې دي.
د پاکستان له لوري افغانستان ته پر وارداتي مالونو د مالیو د لګولو او د ترانزیت په لارو کې د خنډونو له زیاتولو وروسته د طالبانو د حکومت ویندوی ذبیح الله مجاهد وویل، کابل د پاکستان د لارو پر ځای د نورو ترانزیتي لارو د موندلو لپاره کار پیل کړی او هڅه کوي چې افغنستان ته د وارداتو خوندي لارې ومومي.
مجاهد له پاکستان څخه د دې غوښتنې په ترڅ کې چې د دوو هیوادونو ترمنځ پر سوداګري موافقې ژمن پاتې شي، وویل:«د افغانستان حکومت هم د سوداګرو په وسیله او هم له دیپلوماتیکو لارو اقدامات کړي، خو اوس افغانستان د متبادلو ترانزیتي لارو په لټه کې دی.»
پاکستان په وروستیو کې په خپل سر افغانستان ته د ترانزیت کېدونکو تجارتي مالونو ګمرکي محصول ۳ برابره لوړ کړی او ورسره هممهاله یې د یو شمېر جنسونو د ترانزیت د پروسې وخت له ۳ ورځو ۱۰ ته ډېر کړی او د یو شمېر مالونو ترانزیت یې کاملاً منع کړی دی.
پر دې سربېره پاکستان هر وخت چې یې زړه وغواړي خپلې لارې د افغانستان پر صادراتي مالونو بندوي، په تېر بیا د افغانستان د میوو د صادرېدو په اوج کې.
مجاهد ته وا بیلمثله عمل ورسره وکړی خپله به لاري ته راسي