تاند:(پنجشنبه، د میزان ۲۷مه) په لومړي ځل د مزارشریف او د سعودي عربستان ترمنځ دوه اړخیزه الوتنې پيل شوې.
د یاد ولایت د هوايي ډګر یوه طالب چارواکي مولوي حیات الله صفا وویل، چې د کام ایر هوایي شرکت له مسوولینو سره یې په ګډه د دې الوتنو د ترتیب په برخه کې کار کړی ترڅو د بلخ له هوایي ډګره سعودي عربستان ته الوتنې پیل شي.
صفا زیاته کړه، چې د افغانستان په تاریخ کې د لومړي ځل لپاره د بلخ او سعودي عربستان ترمنځ د کام ایر هوايي شرکت دوه اړخیزه الوتنو پيل او په لومړۍ الوتنه کې ۱۲۱ مسافر د جدې ښار ته لاړل.
یو شمېر مساپرو د دغو الوتنو په پيل خوښي ښودلې ده.
دا په داسې حال کې ده چې د طالبانو له بیا واکمنیدو سره د دوی د رژیم د نه په رسمیت پېژندلو له امله ډېرو هېوادونو له افغانستان سره مستقیم پروازونه درولي دي.