تاند – د کرکټ په نړیوال جام سیالیو کې یو وار بیا په ډېر توپیر یوه غښتلي ټیم بوه بل غښتاي ټیم ته ماتې ورکړه.
جنوبي افریقا د استرالیا پیاوړي ټیم ته په ۱۳۴ منډو ماتې ورکړه.
جنوبي افریقا سیالې لوبډلې ته ۳۱۲ منډې هدف ټاکلی و خو د استرالیا لومړي لوبغاړي یو په بل پسې وسوځېدل او په داسې حال کې چې ۱۷۷ منډې یې کړې وې، ټول ویکټونه یې له لاسه ورکړل.
ټاکل شوې ده چې د کرکټ په نړیوال جام سیالیو کې نن د بنګله دیش او نیوزیلنډ لوبډلې مخامخ شي.
نیوزیلنډ خپلې لومړۍ دوې سیالۍ په لوی توپیر ګټلي خو بنګله دېش یوه بایللې او بله ګټلې ده.