د ننګرهار پوهنتون د پښتو ماسترۍ له برنامې څخه ۲۹ تنه فارغ شول.
د دغه پوهنتون رئیس پوهاند دوکتور خلیل احمد بهسودوال فارغانو ته د مبارکۍ ویلو ترڅنګ له دوی وغوښتل، چې خپلې ژبې، ادب او فرهنګ ته کار وکړي.
ویل شوي، چې دغه کسان له دوه کلنو زده کړو وروسته فارغ شول.
ننګرهار پوهنتون د شرعیاتو په برخه کې د دوکتورا برنامه هم لري.
د دغه پوهنتون په ګډون د افغانستان په ټولو پوهنتونونو کې د طالبانو له بیا واکمنیدو سره، د طالب ملایانو د حاکمیت شکایتونه هم کیږي، خو طالب چارواکي ادعا کوي چې په تحصیلي سیستم کې بې ځایه مداخله نه کوي.