تاند: (یکشنبه، د وږي ۵ مه ) د ازبکستان د ترانسپورت وزیر الهام محکوموف له خپل طالب سیال حمیدالله اخندزاده سره، تورخم ته د هوا له لارې سفر کړی.
طالب چارواکو ویلي، چې دغه پلاوي تورخم بندر د ټرانزیټ لپاره یوه مهمه او اساسي لار یاده کړه او ویې ویل، هڅه کوي چې د افغانستان ټرانزيټ او ملي اقتصاد ته وده ورکړي، څو په دغه برخه کې ځان بسیاینې ته ورسیږي.
د ازبکستان ترانسپورټ وزیر دا هم وویل، چې جنوبي اسیا د مرکزي اسیا سره د افغانستان له لارې نښلولو سره به د افغانستان ملي اقتصاد ډېره پراختیا پیدا کړي، چې ورسره به موږ دلته لس زره افغانانو ته د کار زمینه هم برابره کړو.
د دغه سفر په اړه نور جزییات نه دي ورکړل شوي.
په وروستیو کې ازبکستان د افغانستان له لارې جنوبي اسیا سره د خپل ترانزیتي اتصال هڅې چټکې کړي.