تاند (سې شنبه، د تلې/ میزان ۷ مه) د پاکستاني طالبانو تحریک یا TTP، چې اسلاماباد په وار وار تور لګولی چې مشران او جنګیالي یې د افغانستان په خاوره کې دي، داسې ښکاري چې د پاکستان د سند ایالت تر ژورو سیمو پورې یې نفوذ کړی دی.
په ټولنیزو رسنیو کې په یوه خپره شوې ویډیو کې څو وسلهوال کسان، چې ادعا کېږي د پاکستاني طالبانو غړي دي، د سند ایالت له خلکو سره په سندي (سندهي) ژبه خبرې کوي او له هغوی غواړي چې له دې ډلې سره یوځای شي. د ویډیو او په کې د وسلهوالو کسانو هویت په خپلواکه توګه نه دی تایید شوی؛ خو دا ویډیو په داسې مهال خپرېږي چې په کراچۍ کې د ټي ټي پي له اړوندو کسانو سره د مبارزې په نوم د نیونو او عملیاتو راپورونه ورکړل شوي دي.
وسلهوالو د محمد بن قاسم نوم یاد کړی
په ویډیو کې یو وسلهوال د سند له «ځپل شویو خلکو» څخه د ټي ټي پي د ملاتړ غوښتنه کوي او د اتمې میلادي پېړۍ عرب قوماندان محمد بن قاسم نوم اخلي. نوموړي په ۷۱۲ میلادي کال کې سند فتح کړ.
د ویډیو په ژباړه کې وسلهوال وايي چې هغه ورځ به، «انشاءالله»، ډېره لرې نه وي چې د محمد بن قاسم له خوا د سند پر خاوره پورته شوی «د اسلام بیرغ» یو ځل بیا هلته پورته شي.
هغه له خلکو غواړي چې د سند له دودیزو ځمکوالو (فیوډالانو) او قومي مشرانو، چې د وډېرو او بهټارانو په نوم یادېږي، د خپلو غوښتنو لپاره خپل ژوند قرباني نه کړي.
نوموړی د خپلې وینا په پای کې وايي: «د اسلام لپاره مخکې ولاړ شئ، د اسلام لپاره مړه شئ.»
د افغانستان او پاکستان د چارو ځینو سیمهییزو څېړونکو او څارونکو دغه ویډیو په سند کې د ټي ټي پي د حضور د اعلان په توګه بللې ده.
په بلوچستان کې د ټي ټي پي بریدونه
دا ویډیو وروسته له هغه خپره شوې چې د پاکستان پوځ ویلي، د جولای په میاشت کې په ګاونډي ایالت، بلوچستان کې د ټي ټي پي وسلهوالو ۲۷ پاکستاني پولیس وژلي وو. په وژل شویو کسانو کې ۱۸ هغه پولیس هم شامل وو چې وسلهوالو یرغمل کړي وو او وروسته یې مړي موندل شوي وو.
پاکستاني ادارو په کراچۍ کې هم په وروستیو کلونو کې د ټي ټي پي له اړوندو کسانو سره د تړاو په تور د نیونو او عملیاتو راپورونه ورکړي دي.
د سند د ترهګرۍ ضد مبارزې ادارې د سپټمبر په درېیمه ویلي و چې دوه کسان، عمر فاروق او عبدالله، یې په کراچۍ کې نیولي او ادعا یې کړې وه چې د ټي ټي پي د مفتي سعد ډلې غړي دي. د چارواکو په وینا، دغو دوو کسانو له افغانستان څخه کراچۍ ته سفر کړی و او د پولیسو او رېنجر ځواکونو او د هغوی د دفترونو په اړه یې معلومات راټولول.
چارواکو ویلي وو چې له نیول شویو کسانو دوه لاسي بمونه هم ترلاسه شوي دي.
څو ورځې وروسته د سند رېنجر ځواکونو او د ترهګرۍ ضد ادارې په کراچۍ کې په ګډو عملیاتو کې قاري ضیاءالرحمن، چې قاري سیفالله هم بلل کېده، وواژه. پاکستاني چارواکو هغه د ټي ټي پي وسلهوال بللی و.
د رېنجر ځواکونو په وینا، ضیاءالرحمن په ۲۰۱۲ کال کې د پاکستان د پوځي عملیاتو پر مهال افغانستان ته تښتېدلی و او وروسته یې د افغانستان د ختیځ په ننګرهار ولایت کې پوځي روزنه ترلاسه کړې وه. چارواکي ادعا کوي چې نوموړی په دې وروستیو کې بېرته کراچۍ ته ستون شوی و او په دغه ښار کې یې د حساسو تاسیساتو پر ضد د بریدونو لپاره د یوې شبکې د جوړولو هڅه کوله.
په سند کې د ټي ټي پي د غړیو د نیونو سابقه پخوانۍ ده
راپور وايي، وروستۍ ویډیو په دې معنا نه ده چې پاکستاني طالبانو تحریک په لومړي ځل په سند کې راڅرګند شوی دی.
د جنوبي اسیا د ترهګرۍ د اطلاعاتو مرکز (SATP) د معلوماتو له مخې، په سند کې د ټي ټي پي اړوندو کسانو د نیولو پېښې لږ تر لږه تر ۲۰۰۸ کال پورې رسېږي.
د دې ادارې د معلوماتو له مخې، د ۲۰۲۶ کال د سپټمبر تر ۱۵مې په سند کې د ټي ټي پي د غړیو د نیونو د هڅو شپږې پېښې او اووه نیونې ثبت شوې دي. په ۲۰۲۵ کال کې بیا څلور ورته پېښې او نهه نیونې ثبت شوې وې.
راپور زیاتوي چې د وروستۍ ویډیو اهمیت یوازې په دې کې نه دی چې په کراچۍ کې د ټي ټي پي د غړو احتمالي حضور ښيي، بلکې د دې ډلې د پیغام په بڼه کې هم دی.
د کراچۍ مېشتې خبریالې وینګاس په وینا، په ویډیو کې وسلهوال په مستقیم ډول سندیانو ته خطاب کوي، سندي ژبه وايي، د محمد بن قاسم د سند د فتحې تاریخي روایت ته اشاره کوي او له خلکو غواړي چې «د اسلام لپاره مړه شي».
نو پاکستان ولی په افغانستان بمبار کوی ځکه د دوي د نظام ضد ډلی تر پنجابه رسیدلی ځکه د پنجاب اعلی وزیری مریم نواز هم ویلی چې د پنجاب صوبه د نورو صوبو له نا امني څخه سرچینه اخلی نو په اصل کې دا ټول د دوي د پوځ تګلاره او پالیسی ده
کوهې مه کنه د بل سړی په لار کې – چیرې ستا به د کوهې په غاړه لار شي
۴۵ کاله د افغانستان د ولس وژنه بي هدره نه ځی ځکه موږ افغانان الله تعالی خلق کړی یو نو ساتونکی مو هم یواځی الله تعالی ده
تاسو ګوري هغه هیوادونه چې تر پرونه یې افغانان وژل نن پخپل غم او درد اخته دی
د مثال په ډول: چین له تایوان سره ، پاکستان له ټي ټي پي سره او تحریک انصاف او بلوڅ لبریشن سره
عربستان له حوثی ډلو سره، پرونه دوستان نني دښمنان ( ایران او امریکا چې شوروی پرضد او داکتر نجیب الله د نظام پرضد یې له امریکا سره مرسته کوله نن ایران او امریکا په بد حالت کې دی
بل طرف د شوری غړو هیوادونه کې اکراین هغه هیواد وو چې زیات افغانان یې ووژل نن همغه روسیه چې پرون ملګری وو نن یې همغه اکرایان وژني چې شوروی اتحاد وخت کې یې افغانان وژل ، چین تر پرون امریکا سره ملګری وو نن ځکه ۷ ګانه او ۸ ګانه ډلو ته یې وسلی برابرولی چې امریکایی وسلی پاکستان ته پاتی کیدی او چینایی وسلی به دې داکتر نجیب الله د نظام پرضد کارول کیدی
پرون چې کابل یې په کنډواله بدل کړل د امریکا لپاره نن امریکا ته له تګ څخه محروم دی لکه شورای نظا ډله او دوستم او محقق او نور ملګری یی