تاند: (دوشنبه، د زمري ۳۰ مه ) د ملګرو ملتونو د ماشومانو وجهي صندوق یونیسف ویلي، چې د طالبانو له بیا واکمنیدو سره ۱،۶ میلیون افغانان کډوال او هېواد پرېښودو ته اړ شوي.
د افغان کډوالو دا شمېر له هغې جلا دی، چې نورو لرې هېوادونو ته تللي دي.
یونیسف وایي، چې په ایران، پاکستان، تاجیکستان، ترکمنستان او ازبکستان کې مېشتو تازه دمه افغان کډوالو سره د مرستې لپاره په روان میلادي کال کې تر ۶۶ میلیون ډالرو زیاتو پیسو ته اړتیا ده.
ویل شوي، چې د دغو کډوالو یوه لویه برخه په ایران او پاکستان کې دي.
دا په داسې حال کې ده، چې له ګاونډیو هېوادونو؛ په ځانګړي ډول ایران څخه هره ورځ د زرګونه افغان کډوالو د جبري ویستو او په ګڼو هېوادونو کې ورسره د ناوړه چلند خبرونه ورکول کیږي.