تاند- د هسپانیا د ښځو د فوټبال د ملي لوبډلې کیپتانه، چې د انګلیستان په وړاندې په پایلوبه کې یې یوازینی ګول وواهه، له مسابقې وروسته د خپل پلار له مړینې خبره شوه.
د رویټرز خبري اژانس د راپور له مخې، د اولګا کارمونا پلار له یوې مودې راهیسې ناروغ و خو پرون جمعه، د هسپانیا او انګلیستان ترمنځ د پایلوبې په ورځ مړ شو.
هسپانیا په یوه ګول د ښځو د فوټیال اتلولي وګټله.
د هسپانیا د فوټبال فدراسیون د خپلې لوبډلې د کیپانې اولګا کارمونا د پلار په مړینې ژوره خواشیني ښکاره کړې او ویلي یې دي چې اولګا له پایلوبې وروسته له دې پېښې خبره شوه.
د هسپانیا (رولو) ویبپاڼې لیکلي چې د اولګا د کورنۍ غړیو او ملګرو یې د هغې د پلار مړینه پټه ساتلې وه چې دا پر لوبه تمرکز وکړای شي.