تاند (جمعه، د اسد ۲۰مه) په امریکا کې ساینسپوهان وايي د یوې نوې قوې یا انرژۍ کشفولو ته نژدې شوي دي.
شیکاګو ښار ته نژدې په یوه لابراتوار کې په څېړنه بوخت ساینسپوهان وايي، دا انرژي، چې میونونه (muons) نومېږي او واړه اتومي ذرې دي، ممکن په طبیعت کې د پنځمې قوې د کشف سبب شي.
ساینسپوهان وايي، امکان شته چې یوه ناپېژندل شوې قوه وي چې پر میونونو عمل کوي.
د دې څېړنې د پایلو د تایید لپاره نورو معلوماتو او څېړنو ته اړتیا ده، خو که تایید شي د فزیک په علم کې به انقلاب راولي.