ابوحنیفه یو ” دینی ” مُلا ؤ او تولیدی نندارتون یوه مطلقه ” دنیوی ” پروژه ده ( حاکم طالب دا حقیقت نه منی چی دین د دنیا د سمون په سیوری کی سمبالیږی او اکثره کړنی ئی د دین په خلاف دی خو په تبلیغاتی او حتی استخباراتی خیرنه انګیزه ئی خپل دنیوی نندارتون ته دینی ملا ابوحنیفه ور بللی دی ).
هغه څوک چی انګریز سم نه پیژنی لکه خپل ځان او خدای چی سم نه پیژنی.

موږ په تېر کې هم همدغسې بېلابېلې خبرې واورېدې، لکه د حزب ديموکراتيک خلق افغانستان کې زموږ يې له دې سره څه چې ځانونه مو د لينن په صفت او بيوګرافۍ کې تېر کړ او ان تر دې چې ځينې خو دومره مخته ولاړل چې درود به يې پر هغه ويلو او پر نورو يې هم په زور ورتپلو او ځينې له دې هم مخته ولاړل او ان د الله تعالی او د پېغمبر او د نورو اسلامي ارزښتونو په هکله يې زياتی کولو. که رښتيا ووايو زموږ يې له لينن سره څه؟
بيا يې چې مخالفين واک ته ورسېدل او د جنت خوبونه يې ليدل، نو هغوی هغه کارونه وکړل چې انسانان ورته ګوته په غاښ حيران پاتې وو چې له دوی سره څه وکړي؟
بيا همداسې جمهوريت راغی او په جمهوريت کې بيا د زياتي (افراط) ځای کمي (تفريط) ونيول او ديموکراسي پکې ښه بدنامه شوه.
موږ داسې خلک يو چې له هېڅ شي سره جوړ رانغلو. کمونېزم هم را باندې بد راغی، اسلامي جهادېزم هم راباندې ښه رانغی او له جمهوريت سره ناغېړه شو او دا دی اوس بيا له اوسنيو سره مخ يو چې څه به کيږي؟
نه مو کمونېزم کې ګټه وکړه، نه په جهادېزم او نه جمهوريت وسيکولرېزم او همداسې نه په اسلامي جهاد، اسلامي امارت کې وکړه او اسلامي خلافت (داعش) کې به څه وکړو؟
امام ابوحنيفة خو پخپل وخت کې دومره ستره قرباني ورکړه چې دولس نيم لکه بېلابېلو مسايلو د حل لپاره يې د حل ليارې چارې پيدا کړې او ان د خليفة منصور د قضاء په وړانديز کې انکار او زندان ته ولويد.کاشکې چې موږ ټولو خو هم دغسې لږه بلهاري ورکړی وای، خو له بده مرغه چې ….
په لنډه توګه زموږ سيستم شړېدلی دی او سيستم چې ونړيږي هغه بيا واګې سستوي او له پايښت (دوام) يې غورځوي. زموږ حکومت ونړيد او له حکومت پرځونې سره سيستم هم له مينځه ولاړ چې دا نړيدلی سيستم نه زموږ په دينپوهنه، سيکولرپوهنه، جهادپوهنه او داسې نور يو شي هم نه راټينګيږي.
نيمګړتيا مو دا ده چې موږ له خپل عقل نه کار نه اخلو او رغونه خو عقل او پوهې سره تړاو لري او زموږ دښمني او ناباندېوالی ورځ تر بلې له زده کړې او پوهې سره اوج لوري ته ځي، نو….