تاند(چهارشنبه د تلې ـ میزان ۳۰مه) د افغانستان سولې لپاره د امریکا پخوانی ځانګړی استازی، زلمی خلیلزاد په ناڅاپي سفر طالبانو سره د کتنو لپاره کابل ته رسېدلی دی.
د طالبانو بهرنیو چارو وزارت ویلي، خلیلزاد له امیرخان متقي سره «غیر رسمي» ناسته کړې ده.
د خبرپاڼې له مخې په دې ناسته کې د افغانستان او امریکا متحده ایالاتو د دوه اړخیزو اړیکو د پراختیا پر لارو چارو هر اړخیزې خبرې شوې دي.
دا کابل ته په وروستیو څو میاشتو کې د زلمي خلیلزاد درېیم سفر دی.
تر مخکې نوموړی د بندیانو په چارو کې د ولسمشر ټرمپ د ځانګړي استازي، اډم بولر په مشرۍ پلاوي کې کابل ته تللی و. خلیلزاد کابل ته د خپل سفر په اړه څه نه دي ویلي.
که څه هم طالبانو خلیلزاد سره ناسته او سفر نارسمي بللی، خو وروسته تر هغې ترسره کېږي چې ولسمشر ټرمپ له طالبانو د بګرام هوايي اډې د بیا نیولو خبرداری ورکړی.
ډاکتر خلیلزاد طالبانو سره د دوحې هوکړې لاسلیکوونکی دی. تر هغې وروسته دی رسماً او ظاهراً د امریکا متحده ایالاتو د استازي په توګه دنده نه لري.
زمونږ په ګران تاریخی هیواد لوی افغانستان کی د افغانیت او هیواد پالنې معیار د پاکیستان بی تاریخه غلا شوی ملک د اصلی پلیدې څیرې پیژندنه ده چی په دې برخه کی د افغانانو اصیل بچی داکتر خلیل زاد له ډیر پخوا څخه غوڅ دریځ لری.