تاند: ( پنجشنبه، د سرطان ۲۲ مه) د پاکستان خبري سرچینې وایي، چې د افغانستان په ختیځ ولایت کونړ کې د تحریک طالبان پاکستان یو قومندان طارق رفیق قوماندان وژل شوی.
سرچینو د هغه د وژل کیدو دقیق وخت او څرنګوالی نه دی په ډاګه کړی.
په افغانستان کې د طالبانو د رژیم چارواکو ویلي، هڅه کوي په دې اړه کره معلومات ترلاسه کړي.
طارق رفیق د پښتونخوا د برېښنا په پروژه کې پر چینايي انجینرانو د برید تر شا مهم کس بلل شوی دی.
دا په داسې حال کې ده، چې په وروستیو کې پاکستاني چارواکو د تحریک طالبان پاکستان خلاف هڅو کې ورسره د کابل د طالب رژیم د هڅو هرکلی کړی.
طالبانو په دې اړه څه نه دي ویلي.