شنبه, جولای 20, 2024
Homeخبرونهد جاپان سفیر: د افغانستان د لرغونو اثارو د ساتنې لپاره د...

د جاپان سفیر: د افغانستان د لرغونو اثارو د ساتنې لپاره د یونسکو د هڅو ملاتړ کوو

تاند: ( یکشنبه، د سرطان یوولسمه) په افغانستان کې د جاپان سفير تاکاشي اوکادا د افغانستان په باميان ولايت کې د بودا له ويجاړ شويو مجسمو څخه ليدنه وکړه او ويې ويل چې دغه بډايه فرهنګي ميراث د باميانو د خلکو لپاره يوه شتمني ده.

نوموړي همدا راز زیاته کړه، چې جاپان له ۲۰ کلونو راهیسې په بامیان کې د لرغونو اثارو په ځانګړې توګه د بودا د مجسمو د ساتنې لپاره د یونسکو له هڅو ملاتړ کوي.

اوکادا په ټویټر کې لیکلي چې د بودا د مجسمو سیمې څخه د لیدنې په ترڅ کې، هغه د دې تاریخي ساحې د ساتنې لپاره د لرغون پېژندونکو له هڅو مننه وکړه.

د جاپان سفير باميانو ته د خپل سفر په ترڅ کې د دغه هېواد په مالي مرسته د ملګرو ملتونو د کډوالو چارو له پروژو هم ليدنه وکړه او د باميانو له يو شمېر مېرمنو سره يې وکتل.

افغانستان چې د زرګونو کلونو راهیسې د یو مهم کلتوري لارې په توګه پیژندل شوی، بډایه میراث لري او د اسلام له ظهور څخه مخکې او وروسته هندوانو ته د بودیزم، زردشت، مسیحیت او یهودیت څخه د مختلفو مذهبونو او تمدنونو کوربه توب کړی دی.

LEAVE A REPLY

Please enter your comment!
Please enter your name here

- Advertisment -

ادب