تاند- د وټس اپ اړونده کمپنۍ میتا وايي په تېرو ۳ کلونو کې د بیزنس وټس اپ د کاروونکو شمېر څلور برابره زیات شوی دی.
د میتا شرکت مشر مارک زاکربرګ ویلي چې د بیزنس (تجاري) وټس اپ د کاروونکو شمېر ۲۰۰ میلیون تنو ته رسیدلی دی.
میتا بیزنس وټس اپ اپلیکېشن په ۲۰۱۸ م کال په دې هدف پیل کړ چې د کاروباریانو ترمنځ اړیکې اسانه کړي.
بیزنس وټس اپ له عادي وټس اپ سره یو لړ توپیرونه لري، لکه دا چې بیزنس وټس اپ د ادرسونو، ایمیلونو او د کمپنیو د ویبپاڼو په شمول د مهمو معلوماتو د لیست جوړولو لپاره ځانګړې پاڼه یا برخه لري.
د بیلابیلو اپلیکېشنونو څارونکې ویبپاڼې اټکل کوي چې اوس به د وټس اپ د ټولو کاروونکو شمېر تر ۲ میلیارد تنو زیات وي.