دواړه ښځينه نومونه دي. “اصلاح” دوې څپې او “اصطلاح” درې څپې لري.
اصلاح/سمون، ښه کول، سمول، منظمول، روغه او جوړه
اصطلاح/«داسې ژبني ترکيبونه چې ټولې کليمې په خپلو اصلي معناوو نه استعمالېږي.»
د «اصلاح» جمع «اصلاحات» او د «اصطلاح» جمع «اصطلاحات» دي.
په پښتو کي ئې جمع په «وي» او «ګاني» کېږي.
مثالونه:
ټولنيزه اصلاح د يوه فرد وظيفه نه ده؛ د ټولني د هر وګړي مسؤليت دی.
دوی ډېر اصلاحي پروګرامونه په نظر کي لري.
زموږ ټولنه ډېرو اصلاحاتو ته ضرورت لري.
«پخواني ملي او ادبي اصطلاحات» د (ارواښاد محمد ګل خان مومند) د اثر نوم دی.
د حقوقي اصطلاحاتو کتاب مي پکار دی.
ډېر ګران- ګران اصطلاحات ئې راټول کړي دي.