تاند:( شنبه ، د جوزا ۱۳ مه ) په پلازمېنه کابل کې د بدني روزنې او ورزش عمومي ریاست د سوک وهنې ملي فدراسیون په تمريناتي ځاى کې د کابل ښار څلورم زون د ٢٤ کلبونو د ۱۱۵ ورزشکارانو ترمنځ د سوکوهنې سیالۍ پیل شوې.
په دغو سياليو کې د کوچنيانو عمري کټګورۍ د ١٢، ١٣ او ١٤ کلونو ورزشکاران ګډون لري چې درې ورځې به دوام وکړي.
ورزشي چارواکو ویلي، چې یاد سياليو موخه د کم عمره ورزشکارانو هڅول دي.
په وروستیو کې د افغانستان له مختلفو سیمو د ورزشي فعالیتونه خبرونه زیات شوي، خو د ژوند د نورو ډېرو برخو په شان له ورزشي فعالیتونو هم د ښځینه وو لیرې والی د نیوکو وړ ګرځیدلی.