یکشنبه, جولای 14, 2024
Homeخبرونهسریلانکا د افغانستان په وړاندې سیالۍ ته یو تکړه لوبغاړی وروباله

سریلانکا د افغانستان په وړاندې سیالۍ ته یو تکړه لوبغاړی وروباله

تاند (چهارشنبه، د جوزا ۱۰ مه) سریلانکا د هند په غوره لیګ کې ښه ځلېدلی باولر له افغانستان سره د کرکټ د یو ورځنیو سیالیو لپاره په خپله لوبډله کې شامل کړ.

تېز توپ اچوونکی ماتیشا پاتیرانا، چې د هند د غوره لیګ په اتلې لوبډلې چینای سوپرګینګز کې لوبېده، پرون (سې شنبې) د افغانستان په وړاندې د درو یو ورځنیو سیالیو لپاره سریلانکا ته وبلل شو.

دا به لومړی ځل وي چې نوموړی په یو ورځنیو سیالیو کې د سریلانکا په ملي لوبډله کې شاملېږي.

شل کلن پاتیرانا، چې د کوچني ملینګا په نوم مشهور شوی، د هند په غوره لیګ کې ۱۹ لوبغاړي وسوځول.

ټاکل شوې ده چې د افغانستان او سریلانکا ملي لوبډلې د جمعې په ورځ (د جون ۲ مه) په لومړۍ یو ورځینۍ مسابقه کې مخامخ شي.

دوی به د یکشنبې په ورځ (جون ۴) او دغه راز د راتلونکې اوونۍ په چهارشنبه ( جون ۷) دوه نورې یو ورځینۍ سیالۍ وکړي.

د افغانستان د کرکټ د ملي لوبډلې اکثره لوبغاړي مخکې لا سریلانکا ته رسیدلي او د راشدخان په شمول څو تنه د دوشنبې په ورځ د هند د غوره لیګ له پایلوبې وروسته کولمبو ته روان شول.

LEAVE A REPLY

Please enter your comment!
Please enter your name here

- Advertisment -

ادب