تاند:( پنجشنبه ، د جوزا ۴ مه ) د طالبانو د امربالمعروف وزارت ویلي، چې د دغه وزارت وزیر شېخ خالد حنفي خپل یو مذهبي پولیس د یوه موټر چلوونکي د ډبولو له امله ګوښه کړی.
یاد شوي وزارت په یوه خپره کړې ویډیو کې ښودلې، چې شېخ خالد له ډبول شوي موټر چلوونکي سره ناست دی او د نوموړي قضیه څېړي.
د دغه موټرچلوونکي د په څپېړه وهلو ویډیو له څو ورځو راهیسې په ټولنیزو رسنیو کې خپره شوې او د خلکو توند غبرګون سره مخ شوې وه.
طالبانو د محتسبینو په نوم خپل امر بالمعروف وزارت ته په ښارونو کې مذهبي پولیس ګومارلي، چې د خلکو په ورځیني ژوند او خصوصي حریم کې په مداخلو تورنیږي.
دغو مذهبي پولیسو مخکې په ځینو مواردو کې پر ښځو هم لاس پورته کړی، چې په ټوله کې یې کړنې د خلکو منفي غبرګونونه لري.
قصاص په قصاص له نظره غورځول کفر دی!