د مدیر او مدیریت له نوم سره به ډېر آشنا یاست؛ خو د مدیریت په اړه تر ډېره یو منل شوی تعریف تر اوسه موجود نه دی، پوهان د مدیریت مسله له مختلفو زاویو ګوري؛ مثلا ځینې پوهان وایي مدیریت په لغت کې اداره کولو ته وایي او په اصطلاح کې ټاکلو هدفونو ته د رسېدو لپاره د انساني او مادي قواوو همغږي کولو په لږ مصرف او لنډه موده کې مدیریت بلل کېږي.
ځینې پوهان بیا په دې نظر دي، چې د موخو، پلانونو، دندو او سرچینو په شان د اداري ارکانو اداري ته مدیریت ویل کېږي.
خو تر ډېره چې پرې توافق شوی یا ورته تعریفونه دي دا تعریف یې غوره او د مدیریت اصلي او اساسي مسایل پکې لیدل کېدای شي.
مدیریت د یو منل شوي ارزښتي نظام پر بنسټ د کار وړ او انساني سرچینو د اغېزناکې کارونې جریان دی.
دغه تعریف لاندي پنځه بنسټیز ټکي لري.
– مدیریت یو جریان دي.
– مدیریت د انساني تشکیلاتو پر لارښوني دلالت لري.
– اغېزناک مدیریت پر مناسبي تصمیم نیونې او د مطلوبو پایلو پر ترلاسي ولاړ دی.
– کارنده مدیریت د سرچینو تخصیص او مدبرانه مصرف متضمن دی.
– مدیریت پر هدفمنو فعالیتونو تمرکز لري.
نو د مدیریت په اړه د مختلفو پوهانو نظریاتو، تعریفونو او اندونو ته په کتو ویلی شو، چې مدیریت په پلان جوړونه، منظمولو، د سرچینو او مکاناتو تنظیم، هدایت او کنټرول کې د مادي او انساني سرچینو د اغېزمنې او کارنده کارونې بهیر دی.
د مثال په ډول: په یوه سازمان یا ګروپ کې کسان کوم کار، څنګه او ولې ټاکو یا کوم شی له کومو سرچینو او څنګه امکانات او آسانتیاوې په لنډه موده کې رامنځته کوو او د دغو کسانو ټاکل، هغوی ته لارښوونه، سرچینو او امکاناتو رامنځته کول او پر هغوی باندې کنټرول ته مدیریت وایي.
نور بیا………
اخځلیکونه:
۱- د سازمان او مدیریت بنسټونه
د محمد نواب خوښ ژباړه
۲- نن ټکی آسیا
۳- sapand is on Facebook