تاند:( یکشنبه ، د غویي ۲۴ ) د افغانستان لپاره د روسیې ځانګړی استازی ضمیر کابلوف ټینګار کوي، چې د سیمې هېوادونه په افغانستان کې د ټولګډونه حکومت رامنځته کېدل غواړي.
کابلوف ټاس خبري آژانس ته ویلي لوېدیځ هېوادونه غواړي چې طالبان باید تر هرڅه وړاندې حقوقي مسایل په پام کې ونیسي.
د افغانستان لپاره د روسیې ځانګړی استازی وايي:«موږ د سیمې هېوادونه یعنې، روسیه، چین، ایران، پاکستان د منځنۍ اسیا هېوادونه او هند باور لرو، چې لومړیتوب باید په افغانستان کې د ټولګډونه مشرۍ جوړښت وي او د دغه راز جوړښت رامنځته کېدل به په افغانستان کې د ښځو د حقونو په څېر د نورو مسایلو په حل کې ډير مهم وي.»
د طالبانو د ویاند مرستیال بلال کریمي د دوی د رژیم جوړښت ټولګډونه ګڼي او وایي، چې د ښځو حقونه او د نظام د جوړښت څرنګوالی د افغانستان کورني مسایل دي.
دا په داسې حال کې ده، چې تازه د قطر صدراعظم د یوه پلاوي په مشرۍ کندهار ته سفر کړی او ځینې مهم پيغامونه یې طالب مشرانو ته رسولي.
ځينې شنونکي فکر کوي، چې قطري چارواکو په دغه سفر کې د امریکایي چارواکو مهم پيغامونه طالب مشرانو ته رسولي.
طالبانو د دغو پيغامونو په اړه جزیات نه دي ورکړي.
سمیز هیوادونه د لمړی خپل نظامونه ټول ګډونه کړی بیا د له نورو څخه غوښتنه ولری ، روسیه او چین خو اصلا هیڅ اپوزیسیون نلری او خپل اقلیتو نو ته انسانی او بشری خقوق هم نه ورکوی ، پاکستان او ایران خو د صرف د پلوچان راضی کړی هم به ډبره وی .