تاند:( شنبه ، د غویي ۲۳ ) د پاکستان د بلوچستان د کلا سیف الله په مسلم باغ سیمه کې د دغه هېواد د ځواکونو پر یوه مرکز برید شوی.
پاکستاني رسنیو خبر ورکړی، چې په دغه برید کې ۷ پاکستاني عسکر، یو ملکي وګړی او ۶ بریدګر وژل شوي.
د یاد شوي برید مسوولیت د جهاد پاکستان په نوم یوې ډلې پر غاړه اخیستی.
د پاکستان پوځ ویلي، چې یاد شوی برید یې په شا تمبولی او سیمه له بریدګرو پاکه شوې ده.
مخکې په بلوچستان کې د پاکستان د پوځ خلاف ډېر بریدونه د بلوڅانو د ازادې غوښتنې پوځ ترسره کول.
دا لومړی ځل دی، چې یوه بله ډله د دوامداره او خونړي برید مسوولیت پر غاړه اخلي.