تاند:( دوشنبه ، د غویي ۱۱ ) د طالبانو د مخابراتو او معلوماتي ټیکنالوژۍ ویلي، چې د مخابراتي شبکو د غږیزو او انټرنیټي خدمتونو لپاره یې نوې بیې ټاکلي.
د دغه وزارت ویاند عنایت الله الکوزي ویلي، چې نوې بیې د مخابراتي شبکو د لګښتونو له ارزونې وروسته وضع شوي.
الکوزی زیاتوي:(( د هرې شبکې د پیرودونکو ترمنځ د غږیزو اړیکو حد اکثر قیمت فی دقیقه په ۱.۸۵ افغانۍ وټاکل شوه چې مخکې د مخابراتي شرکتونو حد اکثر قیمتونه د دقیقې پر سر له ۲.۵ څخه نیولې تر ۳.۵ افغانۍ وضع کیدلې.))
د نوموړي په وینا، همداراز له یوې مخابراتي شبکې څخه بلې مخابراتي شبکې ته د اړیکو د عادي بیو لپاره د ټاکل شویو تعرفو سقف یوه دقیقه په ۲.۲ افغانۍ حد اکثر وټاکل شوه، چې مخکې د مخابراتي شرکتونو حد اکثر قیمتونه د دقیقې پر سر ۴ افغانۍ بیه وضع کیده.
د طالب ویاند د معلوماتو له مخې، له دې سره د انټرنټی خدمتونو په بیو کی له ۳۰٪ څخه تر ۶۰ سلنې کموالی راغلی.
سرچینه زیاتوي: اوسمهال ټولو مخابراتي شبکو ته د یوه جي بي میاشتنۍ کڅوړې حد اکثر قیمت ۱۱۰ افغانۍ ټاکل شوې چې ځینې شبکې یې له دې هم په ټیټه بیه پلوري، په داسې حال کې چې مخکې د یوه جي بي انټرنټي کڅوړې بیه له ۲۵۰ نه تر ۳۰۰ افغانیو پورې رسیده.
الکوزی وایي د انټرنیټ عادي استفادې قیمت پخوا یو ایم بی د یوې (۱ )افغانۍ څخه تر لسو (۱۰ ) افغانیو پورې وضع کیده، خو د طالبانو له راتګ سره سم د تعرفو د سقف د تعین نه وروسته د یو ایم بی بیه ۰.۱۱ ( لس پولو ) ته راټیټه شوې.
په وروستیو کې خلکو شکایت کاوه، چې د طالبانو د ژمنو خلاف د انټرنیټي او مخابراتي لګښتونو بیې کمې شوي نه دي.
دا ټول هغه د خوښۍ او ښیرازۍ زیری دی چه هر افغان ته یې نیغ په نیغه فایده رسیږی.
الله ج د اسلامی امارت تل تر تله دایم او قایم لری.