تاند:( سې شنبه، د حمل ۱۵ ) په پاکستان کې د ملګرو ملتونو د کډوالو چارو دفتر ((اي او ايم)) افغانستان ته د ۵۱۸۱ افغانو اتباعو د بېرته ستنېدو خبره کړې ده.
یادې ادارې ویلي، چې له دغه کډوالو ۲۶۷۹ يې د تورخم له لارې او ۲۵۰۲ يې د چمن له لارې افغانستان ته ستانه شوي دي.
په راپور کې دا هم راغلي، چې د پاکستان سرحدي چارواکو ۳۲۹ هغه افغانانو ته چې په پاکستان کې د اوسېدلو قانوني اسناد يې نه درلودل، افغانستان ته د دوی د ستنېدو لپاره آسانتياوې برابرې کړې دي.
د پاکستان د ای او ايم دفتر ليکي، د تورخم او د چمن په دروازو کې د روان کال د جنورۍ مياشتې له لومړۍ نېټې د مارچ تر ۲۵ مه پورې دوي ۱۸۹۲۶ هغه بې اسناده افغانان ثبت کړي چې بېرته افغانستان ته ستانه شوي دي.
بل لور ته راپورونه څرګندوي،چې د روان ميلادي کال له پيل راهيسې د افغان کډوالو پر وړاندې د پاکستاني پولیسو چلند نور هم خراب شوی او له دې امله زیات کډوال افغانستان ته په ستنیدو مجبوریږي.
افغان کډوال د طالبانو له رژیم څخه شکایت لري، چې په هیڅ هېواد کې یې د حقونو د دفاع لپاره غږ نه پورته کوي او هېوادونه هڅوي، چې افغان کډوال د افغانستان له ټولو ناوړو شرایطو سره بیرته هېواد ته ستانه کړي.
دا خو ټول پاکستان غو ولي دي ، سترګې یې شرمیږي ! نو دوی کله اواز پورته کوی شي !