سه شنبه, مارچ 5, 2024
Homeخبرونهعبدالحمید خراساني د پکتيا د احمد ابا د ولسوال په توګه خپله...

عبدالحمید خراساني د پکتيا د احمد ابا د ولسوال په توګه خپله دنده پیل کړه

تاند: ( شنبه، د کب ۶ ) ‏د‌ طالبانو د کورنیو چارو د وزیر سراج الدین حقاني نیږدې ملګري او د ملي بيرغ او هویت مشهور سپونکي عبدالحمید خراساني نن د پکتيا د احمد ابا ولسوالۍ د ولسوال په توګه خپله دنده پیل کړه.

نوموړی څه موده مخکې د سراج الدين حقاني په امر د دغې دندې لپاره ګومارل شوی و.

خراساني د طالبانو له بيا واکمنيدو سره، د دوی ملګری او په پنجشېر کې ېې د امنيې قومندانۍ د امنیت آمر وټاکل شو.

حمید خراساني د جمهوري نظام پر مهال په کابل کې په پراخو باج اخيستو، وژنو او جرمونو تورن و.

هغه یو ځل په يوه ويډيو کليپ کې د افغانستان ملي بيرغ او تاریخ ته سپکاوی هم کړی او د پښتنو اړوند ېې بللی و.

خراساني د جمهوري نظام په وروستيو وختونو کې پنجشېر ته د يو شمېر ورتلونکو کوچیانو ویډیو ګانې خپرې کړې وې،چې دوی یې د پښتنو او طالبانو په نامه پکې ډبول.

د طالبانو له لوري د نوموړي نازولو ته خلکو توند غبرګونونه ښودلي او ويلي، چې دا ډله له يوه لوري د فساد او خپلسرۍ د ختمولو ادعاوې کوي خو له بل لوري داسې څېرې پر دندو ګوماري، چې د جنایي جرمونو تر څنګ ملي ارزښتونو ته د سپکاوي عملي بېلګې لري.

طالبانو په دې اړه د خلکو نیوکو ته غبرګون نه دی ښودلی.

4 COMMENTS

  1. خراسانی ته د زړه له تله مبارکی وایم.
    الله د ورته د ښه خدمت او ورورولۍ توفیق ورکړی.

    • د طالب عقل ، مفکوره کیفي ، او په مذهبي مذخرفاتو کې تړلې ده . هغوی په خپل زاړه عربي کلچر کې بند پاتې دي ، ددوی عمر به لنډ وي ځکه دا احمقان دښه او بد فکر نشي کولی او په خپل قدرت کې غرق دي ! دا مردار خواره ځنګلیان به ژر لري شي .!

  2. خراسانی په یوه مرکه کی ویلی وه چه د افغانستان په هره نقطه او ساحه کی د امارت د عسکر په حیث خدمت کووم.
    زما په فکر دغه سړی هر وخت د طالیبانو لخوا تر تجربی او فکر لاندی نیول کیږی. که په دغه ولسوالی کی کامیاب وخیژی، شاید په اینده کی یی لوړی چوکی ته معرفی کړی.

  3. د طالب عقل ، مفکوره کیفي ، او په مذهبي مذخرفاتو کې تړلې ده . هغوی په خپل زاړه عربي کلچر کې بند پاتې دي ، ددوی عمر به لنډ وي ځکه دا احمقان دښه او بد فکر نشي کولی او په خپل قدرت کې غرق دي ! دا مردار خواره ځنګلیان به ژر لري شي .!

LEAVE A REPLY

Please enter your comment!
Please enter your name here

- Advertisment -

ادب