تاند:( یکشنبه، د کب ۲۸) د ميدان وردګ ولايت د بهسود ولسوالۍ په مرکز کې د ياد ولايت د بدني روزنې او سپورټ امريت او د بهسودو ولسوالۍ د رسنيو له خوا د «نوي کال د ابادۍ» په نامه د ځغاستې سيالۍ ترسره شوې.
د ځایي چارواکو په وینا، په دغو سياليو کې ۵۰ تنو د ځغاستې ورزشکارونو ګډون کړی و.
د المپیک کمېټې د معلوماتو له مخې، د يادو سياليو په پای کې لومړي، دويم او درېيم مقام ته کپونه ورکړل شول او د ورزشي مسولينو له لوري ورته د هر ډول ملاتړ ډاډ وکړل شو.
په وروستیو کې د افغانستان له بېلابېلو سیمو د ورزشي فعالیتونو د زیاتیدو خبرونه ورکول کیږي.