تاند:( یکشنبه، د کب ۱۴) د طالبانو د اطلاعاتو او کلتور وزارت ویاند “عبدالمتین قانع” ویلي، چې افغانستان کې یې د یوټیوب چینلونو ثبت الزامي کړی.
د هغه په وینا، په دغه وزارت کې تر سلو زیات یوټیوب چینلونه ثبت دي او د جواز ورکولو د پلان موخه دا ده چې دغه چینلونه د مذهبي، ملي دود او دستور له مخې چمتو شي.
هغه زياته کړه: د يوټيوب چينلونه د يوې رسنۍ په څېر بايد اصول په پام کې ونيسي او د جواز په برخه کې دې تر لسو زرو افغانيو پورې تضمين ورکړي.
همدارنګه، د جواز ترلاسه کولو لپاره، د دریو کلونو لپاره 4000 افغانۍ ورکړئ.
د یوټیوب د چینلونو ځینې مدیران دغه اقدام د خپلو فعالیتونو پر وړاندې یو ډول محدودیت ګڼي، خو یو شمېر نور بیا د دغه پلان هرکلی کوي او وايي چې دا اقدام کولای شي د یوټیوب چینلونو ته نوې لاره پرانیزي او د کار کیفیت لوړ کړي.