تاند:( پنجشنبه، د دلوې شلمه) پاکستاني چارواکي وايي، چې دغه هېواد د روسیې په پلازمېنه مسکو کې د افغانستان په اړه د سيمي هېوادونو د ملي امنيت سلاکارانو په غونډه کې له ګډون څخه ډډه کړي ده.
د پاکستان د بهرنيو چارو د وزارت وياندې زهرا بلوچ د فبرورۍ په اتمه، پهمسکو کې جوړې شوې غونډې ته د نه ورتلو علتونه نه دي ياد نه کړي.
ځينو شنونکو د پاکستان د دغې پریکړې دليل په دغه غونډه کې د هندوستان ګډون ښودلی، خو ځینې نور باور لري، چې پاکستان د امریکا د خوشالولو او په سیمه کې د روسیې بلاک سره د ځان نيږدې نه ښودلو په موخه دغه پريکړه کړې ده.
په ياده غونډه کې د ايران، هند، چين، روسېې، تاجيکستان، ترکمنستان، ازبکستان، کرغیزستان او قزاقستان د ملي امنیت سلاکارانو برخه اخيستې وه.
په دې غونډه کې د افغانستان د طالبانو حاکمې ادارې ته د ګډون بلنه نه وه ورکړل شوې.
نن د یادو هېوادونو امنیتي سلاکارانو د روسیې ولسمشر ولادیمیر پوتین سره ځانګړې ليدنه لرله.
د ليدنې جزيات تر اوسه نه دي په ډاګه شوي.
د مسکو په پرونۍ غونډه کې روسیې په افغانستان کې د امریکا او ناټو د پاتې شویو وسلو په اړه انديښنه ښودلې او ايران خبرداری ورکړی، په دې په افغانستان کې، له سیمې د باندې هېوادونو مداخله به د افغانستان او سیمې ثبات ته ناوړه پایلې ولري.
پاکستان د نړی ستر منافق هیواد دی ، یو وخت یی روس ته ځان نزدی کړی وو ، فکر یی کولو چه امریکا په افغامستان کی د زوال سره مخ ده ، اوس د روس په هکله همدا فکر کوی ، فکر کوی چه روسیه په اوکراینک د شکست سره مخ ده