تاند:( دوشنبه، د دلوې درېیمه)د هرات د عامې روغتیا ریاست مسوولین وايي، چې په یاد ولایت کې د ۲۰۲۳ کال د واکسین لومړی فرعي کمپاین پیل شوی.
د هرات د عامې روغتیا ریاست د کتلوي معافیت آمر ډاکټر عبدالوحید رحماني وویل، چې دغه د واکسین کمپاین به د شینډند او انجیل ولسوالیو په هغو سیمو کې، چې په کې د پولیو د پېښو خطر لیدل کېږي پلي شي.
په ورته وخت کې د دغه ولایت د اطلاعاتو او فرهنګ لپاره د طالبانو د رژيم رییس مولانا نعیم الحق حقاني له خلکو غواړي، چې د واکسیناتورانو له ټيم سره همکاري وکړي او خپل ماشومان واکسین کړي.
د یادونې وړ ده، چې د واکسین کمپاین په دې پړاو کې به ۲۷۷ زره ماشومان واکسین شي.