تاند:( یکشنبه، د دلوې دويمه) د پښتونخوا په مرکز پېښور کې د مفکوره په نوم یوه فرهنګي بنسټ د اتڼ زده کولو نظري او عملي ورکشاپ پیل کړی.
د دې روزنيزې دورې په لومړۍ ورځ د پښتو مشهور ليکوال او فرهنګي شخصيت ډاکټر صادق ژړک ځوانانو ته د اتڼ په اړه ليکچر ورکړی.
د مفکوره بنسټ مشر حیات روغانی وايي، چې دا روزنيزه لړۍ به تر څه مودې دوام ولري.
د هغه په وينا، په پيل شوې روزنيزه دوره کې تر پنځوسو پورې ځوانانو ګډون کړی دی.
مفکوره بنسټ تر دې مخکې ځوانانو ته د موسيقۍ زده کړې روزنیزه لړۍ هم پيل کړې وه.