تاند:( پنجشنبه، د جدي ۲۹) د افغانستان د علومو اکاډمي علمي غړي نوماند څېړنوال دکتور نورالحبیب نثار له خپلې علمي – څېړنيزې رسالې «د پوهاند الهام پښتو ګرامر طرح؛ له عنعنې څخه د نوښت په لوري لومړنی ګام [شننه او ارزونه]» څخه د څېړنوال علمي رتبې ته د لوړاوي په موخه په بریالۍ دفاع وکړه.
علومو اکاډمۍ ویلي، چې نوموړي په دغې علمي- څېړنیزه پروژه کې د پوهاند الهام پر ژوند، هلو ځلو او زمانې بحث کړی؛ د پوهاند الهام د پښتو ګرامر طرح یې را اخیستې او په وروستي فصل کې یې «د پښتو ګرامر طرح د نوښت په لوري لومړنی ګام» تر سرلیک لاندې د دې طرحې شننه او ارزونه کړې ده.
دغه رساله په پايلې، وړاندیزونو او مأخذونو راټوله شوې ده.
ښاغلی نثار چې په پښتو ادبياتو کې دوکتورا لري، د طالبانو له واکمنيدو وروسته له یو شمېر نورو لیکوالو سره په علومو اکاډمۍ کې پر دندې ګمارل شوی او د پښتو ژبې له مشهورو لیکوالو څخه دی.