تاند:( چار شنبه، د جدي څوارلسمه) د بغلان لپاره د طالبانو امنیتي مسوولین وایي، چې په دغه ولایت کې یې د یوه قومندان په ګډون ۱۰ خپل ۱۰ وسله وال مخالفان نیولي دي.
د دوی په وینا، دغو کسانو غوښتل چې د خوست ولسوالۍ له لارې تاجیکستان ته وتښتي، خو د دغه ولایت په پخواني بغلان ښار کې له ۴۰ میله وسلو سره يو ځای ونیول شول.
طالبانو د نیول شویو کسانو په اړه ډېر جزییات نه دي ورکړي.
په بغلان کې د طالبانو خلاف د ملي مقاومت جبهې په نوم د یوې وسله والې ډلې جنګیالي فعال او وخت په وخت طالبانو سره نښتې کوي.
طالبان په افغانستان کې د دوی خلاف د وسله والو ډلو فعاليتونه ردوي، خو ځینې وخت ېې پر ضد د خپلو لاسته راوړنو خبر ورکوي.
د ملي مقاومت جبهې په دې اړه څه نه دي ويلي.