تاند:( یکشنبه، د جدي یوولسمه) د نورستان په مرکز او واما ولسوالۍ کې د ملګرو ملتونو نړېوالې ادارې په مالي ملاتړ د څړځایونو او ځنګلونو د ساتنې او بیا احیا کولو درې کلنې پروژې د پلي کېدو چارې نن پیل شوې.
ځايي چارواکو د يادې پروژې نور جزییات نه دي ورکړي، خو وايي نورستان ۳۰۰ زره ځنګلونه او ۲۰۰ زره هکټاره څړځایونه لري.
د یو بل خبر له مخې: د کندهار له ارغنداب د ۸۹ میلیونو افغانیو په لګښت د دغه ولایت د مرکز نهمې ناحیې ته د څښاک اوبو رسولو په موخه د نل غځونې پروژې چارې نن پیل شوې.
ځايي طالب چارواکي وايي د دې پروژې له لارې به یې ۵ زرو کورنیو ته د څښاک اوبه برابرې شي.