تاند:( یکشنبه، د جدي یوولسمه) د کابل په پوځي هوايي ډګر کې چاودنه شوې، چې د طالبانو چارواکو پکې د يو شمېر کسانو مرګ ژوبله تاييد کړې ده.
د طالبانو د کورنیو چارو وزارت ویاند عبدالنافع ټکور وايي، چې دغه چاودنه نن سهار د ياد شوي هوايي ډګر په بهرني قراول کې رامنځته شوې ده.
ټکور زیاتوي، چې په دې چاودنه کې یو شمېر « هېوادوالو» ته مرګ ژوبله اوښتې ده.
هغه د چاودنې د څرنګوالي او د مرګ ژوبلې د کره شمېر په اړه څه نه دي ويلي.
کومې ډلې تر اوسه د دغې پېښې مسووليت پر غاړه نه دی اخیستی.