تاند:( دوشنبه، د قوس اته ويشتمه) د طالبانو د بهرنیو چارو وزیر مولوي امیر خان متقي په کابل کې د ایران له مرستیال سفیر او دیاد هېواد د رسنیو له استازو سره لیدلي.
د نوموړي د دفتر په یوه اعلامیه کې راغلي، چې په دې کتنه کې دایرانۍ رسنیو استازو په افغانستان کې وضعیت ښه بللی اوهوډ یې څرګند کړی چې دافغانستان اوسنی وضعیت به په حقیقي ډول انځور او په رسنیو کې مطرح کړي.
سرچینې په دې اړه نور جزییات نه دي ورکړي.
د ایران ګڼې رسنۍ لا د طالبانو له بيا واکمنيدو مخکې هم د دوی په ګټه او د جمهوري نظام پر ضد تبلیغات کول.
طالبان بيا لویدیزې رسنۍ او خپل افغان منتقدین د ځان خلاف په تبلیغاتي او فکري جګړې تورنوي او د محصلينو په ګډون له مختلفو قشرونو بیا-بيا غواړي چې د دغې جګړې په مقابله کې مرسته ورسره وکړي.