تاند:( یکشنبه، د قوس شلمه) د طالبانو د استخباراتو ځواکونو د مرکز جلال آباد څلورمه ناحيه کې د داعش ډلې پر يوه پټنځي د عملياتو خبر ورکړی.
د طالبانو د ولایتي ادارې د اعلاميې له مخې، د دغو عملياتو په پايله کې د داعش ډلې درې تنه وسله وال وژل شوي دي.
سرچينه زياتوي، چې په عملياتو کې ملکي وګړو او ځواکونو ته زيان نه دی اوښتی، خو يوه اندازه وسلې او مهمات ترلاسه شوي دي.
داعش ډله معمولا د ورته خبرونو په اړه کوم غبرګون نه څرګندوي.
په وروستيو کې د داعش ډلې د فعالیتونو او هم ېې پر ضد د طالبانو د ورته عملياتو خبرونه دوام لري.
طالبانو په ځلونو د یادې ډلې د نابودۍ اعلان کړی، خو وروسته ېې د فعاليتونو د دوام خبرونه رسنیز شوي.