تاند:(سې شنبه، د قوس پینځلسمه) د پاکستان په چارو کې د افغانستان مخکیني ځانګړي استازي محمد عمر داودزي په یوه تازه مرکه کې د افغانستان په اړه د پاکستان پر دریځ او دغه راز پاکستان سره د
له تېرو دوو لسيزو راهيسې د افغانستان پر اړیکو خپلې ارزونې وړاندې کړې.
عمر داودزي په دې مرکه کې وویل، چې پاکستان اساسآ په افغانستان کې د ډیورنډ کرښې د په رسميت پېژندلو او د هندوستان د نفوذ کمولو په هڅه کې و.
هغه په دواړو برخو کې پاکستان سره د تعامل په نه کامیابیدو پخواني ولسمشران ( حامد کرزی او محمد اشرف غني) پړه وګڼل.
داودزي، چې دواړو دغو ولسمشرانو سره د پاکستان د اړیکو په برخه کې له نیږدې کار کړی و، په عین حال کې ومنله چې د ده په ګډون ان امریکا او انګلستان لا د پاکستان په سياستونو سم نه پوهيږي.
ښاغلی داودزی د ولسمشر کرزي د حکومت پر مهال يوه دوره په پاکستان کې د افغانستان سفير او د ولسمشر غني د حکومت په وروستي کال د پاکستان په چارو کې د افغانستان ځانګړی استازی و.
عمر داودزي په داسې حال کې، چې ګڼ افغان سياستوال او چارواکي په عامه ذهنیت کې د ملاتړ خپلولو لپاره د پاکستان پر ضد په څرګندونو تورن کړل، ويې نه ويل چې خپله ده حامد کرزي او اشرف غني ته له پاکستان سره د مناسب او بریالي چلند لپاره څه ډول پلانونه شريک کړي، چې هغو نه دي عملي کړي.
نوموړي په دې مرکه کې د ولسمشر غني له فردي پاکوالي دفاع وکړه او ويې ويل، چې هغه شخصآ له فساده پاک سړی و، خو مدیریتي ستونزې یې لرلې او د جمهوري نظام په سقوط کې له شک پرته چې ډېر ګرم و.
دغه افغان سیاستوال د طالبانو پر حاکمې ادارې نیوکې وکړې، چې د لوېې جرګې او بین الافغاني تفاهم، د نجونو د زده کړو، نړۍ سره د تعامل او ریښتیني اساسي قانون د جوړیدو خنډ دي، خو له مخالفو وسله والو ډلو ېې ملاتړ ونه کړ.
د داودزي په وينا، طالبانو هېواد ته بللی، خو دی د همدغو مواردو په اړه د طالبانو قناعت نه ورکولو له هېواد ته ستنیدو څخه لیرې ساتلی
طالبانو د نوموړي څرګندونو ته کوم غبرګون نه دی ښودلی.