تاند:(دوشنبه، د قوس اوومه) د پاکستان د طالبانو تحریک د دغه هېواد حکومت سره د افغان طالبانو په منځګړتوب د رامنځته شوي اوربند د پای ته رسېدو او په پاکستان کې د پراخو بریدونو خبرداری ورکړ.
دغه تحريک نن په یوه اعلامیه کې وویل، چې د اوربند د پای ته رسېدو اصلي دليل د دغه هېواد حکومت دی.
سرچينه زياتوي، چې پاکستاني پوځ او نورو ځواکونو د شمالي وزیرستان په ګډون په مختلفو سيمو کې د اوربند د پريکړو خلاف د دوی خلاف عمليات وکړل، چې په غبرګون کې ېې دوی هم نن ياد شوی اوربند پای ته ورساوه.
د پاکستان حکومت او پوځ په دې اړه غبرګون نه دی ښودلی.
دا اعلان نن په داسې حال کې شوی، چې تمه کيږي سبا د پاکستان د بهرنيو چارو وزارت مرستياله حنا رباني کهر د يوه لوړپوړي پلاوي په مشرۍ کابل ته سفر وکړي.
دا یوازې ډرامې دي. دا ټول د پاکستان د پوځ او استخباراتو له خوا جوړې شوې ډلې ټپلې دي چې موخې یې پښتون او افغان وژنه او تباه کول او د اسلام آباد د سیاسی او پوځي ستراتېژیو پلي کول دي.