تاند:(یکشنبه، د قوس شپږمه) د کندهار سپورټ او بدني روزنې ریاست له خوا تر کلونو وروسته د ښار او ولسوالیو د ۱۴ بایسکل ځغلونکو تر منځ د بایسکل ځغلوني سیالۍ ترسره شوه.
یاده سیالي د ۳۰ کیلو متره په اوږدوالي د تخته پُل ولسوالۍ څخه تر د ترنک پله پورې وه، چې د نقیب الله په نوم یوه تن پکې لومړی مقام وګاټه.
په وروستيو کې له کندهار څخه د نورو پرمختګونو ترڅنګ د ورزشي فعالیتونو د بیرته زیاتیدو خبرونه هم زيات شوي.
کندهار د جمهوري نظام پر ضد د طالبانو په شل کلنه جګړه کې تر ټولو سیمو ډېر ځپل شوی او اوس پکې د ځینو پرمختګونو او پروژو خبر ورکول کېږي.