تاند:( جمعه، د عقرب اووه ويشتمه) د برک موسسې له لوري ښځینه مالدارانو ته ویشل کېدونکې لسګونه وزې پر نارينه وو، چې هويت ېې لا نه دی معلوم ويشل شوي دي
د طالبانو د ولایت دکرنې، اوبولګولو او مالدارۍ وزارت د دغو وزو د وېشلو په خپرو کړو عکسونو کې څرګنده کړې، چې طالب چارواکي يادې وزې پر يو شمېر نارينه وو وېشي.
د چارواکو په خبره دغه ویشل شوې وزې ۸۰ د ۴۰ ښځينه مالدارانو لپاره ځانګړې شوې وې.
طالب چارواکو نه دي ويلي، چې د وزو تر لاسه کوونکي نارينه د ښځينه مالدارانو استازي يا نور خلک وو.
د طالبانو له واکمنيدو سره په دې اړه، چې د جنسيتي تبعيض په آساس طالبان د ښځو برخه مرستې هم پر نارينه وو وېشي، نيوکې زياتې شوي.