تاند:(چار شنبه ،د عقرب اتلسمه) د افغانستان د پاسپورټ ادارې لپاره د طالبانو چارواکو د درې میلیونه نویو پاسپورټونو د چاپ خبر ورکړی.
د دغې ادارې یوه مقام نورالله پتمن ویلي، چې د دغو پاسپورټونو له چاپ او د پاسپورټ ادارې د ماشینونو د تخنیکي ستونزو له حل سره به د پاسپورټونو د وېش چارې بیا پیل شي.
په افغانستان کې د پاسپورټونو د وېش چارې له شاوخوا یوې مياشتې راهيسې درول شوي.
په دې موده کې بیا د خلکو شکایتونه زيات شوي او د ستونزې د ژر حل غوښتنه کوي.
خلک د پاسپورټ ریاست له لوري د پاسپورټونو په وېش کې د پراخ فساد ادعاوې هم کوي، خو طالبان ېې ادعاوې بې بنسټه بولي.