تاند:(سې شنبه ،د عقرب اوولسمه) په کندهار کې یو ځوان د انسان تښتونکو له منګولو څخه وژغورل شو.
د کندهار د اطلاعاتو او فرهنګ لپاره د طالبانو رييس ويلي ،چې دغه کس عصمت الله نوميږي او څلوېښت ورځې مخکي د دایکندي ولایت په مرکز کې انسان تښتونکو تښتولی و.
د سرچينې د معلوماتو له مخې،نوموړی په کندهار کې د طالبانو د امنیتي ځواکونو له لوري وژغورل شو او د سه شنبې په ورځ کورنۍ ته سهي او سلامت وسپارل شو.
د طالبانو له واکمنيدو وروسته، د داسې پېښو خبرونه زیات شوي، خو چارواکو د تښتول شویو کسانو د بیرته خوشې کیدو خبرونه ورکړي.