تاند:(دوشنبه ،د عقرب دويمه) د پاکستان استخباراتي ادارې د پښتون ژغورنې غورځنګ پر رهبر منظور پښتین له دغه هېواد سره د خیانت تور پورې کړی.
ښاغلي پښتين دغه تور ته په غبرګون کې ویلي، چې د حق غږ په شکايت، زندان او تبلیغاتو نه غلې کيږي.
هغه يو ځل بيا پر عدالت ټینګار کړی او ټينګښت يې يوازينۍ حل لاره بللې ده.
په ټولنیزو رسنیو کې ډېرو پښتنو ملتپالو د ښاغلي پښتين ملاتړ کړی او د نړۍ په مختلفو برخو کې ېې په ملاتړ د لاريونونو غږ کړی.
د ښاغلي پښتين په اړه د پاکستان د ټولواکه پوځ او استخباراتو دا تبلیغات او تورونه په داسې حال کې دي، چې نوموړي پرون په لاهور کې د يوې غونډې پر مهال د پاکستان پوځ د دغه هېواد شاهانه او ټولواکه واکدار وباله.
په دې اړه نور جزییات دلته ولولئ:
منظور پښتین: پاکستان جمهوري نه، شاهي نظام لري او د پوځ مشر ېې پاچا دی