تاند:(دوشنبه ،د عقرب دويمه) د افغانستان د بې واکه شوي ولسمشر محمد اشرف غني د دویم مرستیال سرور دانش له لوري « د افغانستان د عدالت او ازادۍ ګوند» اعلانول د خلکو توندو غبرګونونو سره مخ شوی.
د پکتيا پخواني والي محمد حليم فدايي د نوموړي د دغه اعلان په غبرګون کې ویلي:« دانش بې دانشه اقدام وکړ.»
سرور دانش په خپره کړې اعلامیه کې ویلي، چې ګوند یې د جګړې له لارې په افغانستان کې د طالبانو د ادارې نسکورول او د فدرالي نظام د حاکمولو لپاره کار کوي.
نوموړی د جمهوري نظام له سقوط وروسته له خپلې کورنۍ سره په نیوزیلنډ هېواد کې سیاسي پناه اخيستې ده.
سرور دانش د جمهوري نظام په شل کلنه دوره کې د عدليې او لوړو زده کړو وزارتونو وزير او په وروستيو کلونو کې د ولسمشر دویم مرستیال و.
هغه په پراخه کچه په تبعیض، قومي تصفيې او له دولتي امکاناتو څخه په ناوړه استفادې تورن دی.
نوموړی د جمهوري نظام له سقوط وروسته یو ځل هم خلکو ته د ځواب ویلو لپاره نه دی را څرګند شوی.
ځینو سیاسي فعالانو د نوموړي اعلان کړي ګوند او اهدافو ته د « خيالي ګوند او خيالي اهدافو» نوم ورکړی.